آئی فون فیس ٹائم میں بڑی خامی کا انکشاف

ایپل کو پہلے ہی اپنے آئی فونز کی فروخت میں کمی کے باعث مشکلات کا سامنا ہے اور اب ایک بڑے بگ کی بدولت اس کمپنی کو ایک اور دھچکا لگا ہے۔

آئی فون صارفین اب اپنی ڈیوائسز میں فیس ٹائم گروپ ویڈیو کالز نہیں کرسکیں گے جس کی وجہ ڈیفالٹ ایپ میں ایک بڑے پرائیویسی بگ کی دریافت ہے۔

یہ بگ کال کرنے والے کو دوسری جانب سے کال نہ اٹھانے پر بھی دوسرے فرد کو دکھانے اور باتیں سننے کا کام کررہا ہے۔

ایپل کی جانب سے اس بگ پر قابو پانے کے لیے سافٹ وئیر اپ دیٹ رواں ہفتے کے آخر تک متعارف کرانے کا وعدہ کیا گیا ہے۔

اس بگ کے نتیجے میں فیس ٹائم کا یو آئی ایسا ہوجاتا ہے جیسے دوسرے فرد سے رابطہ ہوچکا ہے جبکہ حقیقت میں ایسا نہیں ہوا ہوتا۔

اس بگ کے نتیجے میں اگر تیسرا فرد گروپ کال بٹن کو دباتا ہے تو دیگر کی ویڈیو اسے بھی نظر آنے لگتی ہے۔

ایپل نے اس کے لیے سافٹ وئیر اپ ڈیٹ ریلیز کرنے تک گروپ فیس ٹائم ویڈیو کالنگ فیچر کو ڈس ایبل کردیا ہے۔

کمپنی کے ترجمان کے مطابق ہم اس مسئلے سے آگاہ ہیں اور اس کے لیے سافٹ وئیر اپ ڈیٹ پر کام کررہے ہیں جو رواں ہفتے کے آخر تک ریلیز کردیا جائے گا۔

اگر آپ آئی فون استعمال کرتے ہیں تو اس سے بچنے کے لیے فیس ٹائم فیچر کو ہی ڈس ایبل کردیں تاکہ محفوظ رہ سکیں۔

اس کے لیے آئی فون سیٹنگز اوپن کریں، وہاں اسکرول کرکے فیس ٹائم آئیکون پر کلک کریں، اس کے بعد فیچر کو میوٹ کردیں۔

اپنا تبصرہ بھیجیں