چیف جسٹس اسلام آباد ہائیکورٹ

جہاں قانون کی بالادستی نہیں ہوگی وہاں دشمن طاقتورہوں گے، چیف جسٹس اسلام آباد ہائیکورٹ

اسلام آباد (صباح نیوز) چیف جسٹس اسلام آباد ہائی کورٹ جسٹس اطہر من اللہ نے کہا ہے کہ جس ملک میں قانون کی بالادستی نہیں ہوگی وہاں دشمن طاقتور ہوں گے۔

اسلام آباد ہائی کورٹ میں یوم آزادی کے موقع پر پرچم کشائی کی تقریب سے خطاب کے دوران جسٹس اطہر من اللہ کا کہنا تھا کہ پاکستان کو غلامی سے نجات دلانے والے قائد بھی ایک عظیم قانون دان تھے۔

جس ملک میں قانون کی بالادستی نہیں ہوگی وہاں دشمن طاقتور ہوں گے۔جسٹس اطہر من اللہ کا کہنا تھا کہ ملک کی بقا کے لئے فوج، پولیس اور عوام نے ہزاروں جانوں کی قربانی دی، اب ہمیں اپنے اپنے گھر کو درست کرنے کی ضرورت ہے، آج ہمیں ماتحت عدلیہ پر زیادہ توجہ دینے کی ضرورت ہے، ہمیں عدلیہ میں اصلاحات اور تبدیلی لانے کی ضرورت ہے۔

اپنا تبصرہ بھیجیں