لاہور( این این آئی)پرائیڈ آف پرفارمنس اداکار فردوس جمال نے کہا ہے کہ میرے دادا کو موسیقی سننے جبکہ والد کو فلمیں دیکھنے کا شوق تھا ، والد کے ساتھ سینما میں جو بھی فلم دیکھتا گھر واپس آ کر مختلف کرداروں کو کاپی کرتا جس پر مجھے بیحد پذیرائی ملتی ۔
ایک انٹر ویو میں فردوس جمال نے کہا کہ میں نے اپنے والد صاحب کے ساتھ پہلی فلم اداکار آغا طالش کی ” سات لاکھ “ دیکھی تھی اور گھر آ کر اس کے ایک گانے پر اتنا زبردست پرفارم کیا کہ والد صاحب نے میری بے حد تعریف کی جس سے فلمیں دیکھنے اور اداکاری کا جنون بڑھنے لگا۔فردوس جمال نے کہا کہ میں واحد اداکار ہوں جس نے انتہائی کم عمری میں معمر ترین بزرگ کا کردار ادا کیا تھا اور اسے پرستاروں کی جانب سے بیحد پسند کیا گیا ۔
