گنگارام ہسپتال میں

وزیرصحت پنجاب نے گنگارام ہسپتال میں مریضوں کیلئے فوراً نئے باورچی خانہ تیارکرنے کاحکم دےدیا

لاہور( این این آئی)وزیرصحت پنجاب ڈاکٹریاسمین راشد نے گنگارام ہسپتال میں مریضوں کیلئے فوراً نئے باورچی خانہ تیارکرنے کاحکم دے دیا۔صوبائی وزیر صحت نے گنگارام ہسپتال میں نئے باورچی خانہ کیلئے جگہ اورمسافرخانے کادورہ کیا۔اس موقع پر وائس چانسلرفاطمہ جناح میڈیکل یونیورسٹی پروفیسرڈاکٹرعامرزمان خان اورایم ایس گنگارام ہسپتال ڈاکٹرفیاض بٹ بھی ہمراہ تھے۔وزیرصحت پنجاب نے مسافرخانے میں مسافروں سے سہولیات بارے دریافت کیا۔مسافروںنے ہسپتال انتظامیہ کی جانب سے مناسب سہولیات فراہم کرنے پراظہاراطمینان کیا۔وزیر صحت پنجاب ڈاکٹریاسمین راشدنے مزیدکہاکہ گنگارام ہسپتال کے مریضوں کوبہترین اورمزیدصاف ستھرا کھانامہیاکرنے کیلئے انتہائی عمدہ بارورچی خانہ تعمیرکیاجارہاہے۔ ہسپتالوں میں مریضوں کے علاج معالجہ اورصحت کے معاملہ پرکسی قسم کاسمجھوتہ نہیں کیاجائے گا۔

اپنا تبصرہ بھیجیں