خانیوال ڈسٹرکٹ ہیڈکوارٹرز

وزیر صحت پنجاب ڈاکٹر یاسمین کا رات گئے خانیوال ڈسٹرکٹ ہیڈکوارٹرز ہسپتال کا دورہ ، طبی سہولیات کا جائزہ لیا

خانیوال(این این آئی) وزیر صحت پنجاب ڈاکٹر یاسمین نے رات گئے خانیوال ڈسٹرکٹ ہیڈکوارٹرز اسپتال کا دورہ کیا اور طبی سہولیات کا جائزہ لیا۔وزیرصحت پنجاب یاسمین راشد نے رات گئے اچانک خانیوال ڈسٹرکٹ ہیڈکوارٹرز اسپتال کا دورہ کیا جہاں انہیں مریضوں کو دی جانے والی طبی سہولیات بارے میں بریفنگ دی گئی۔اس دوران یاسمین راشد کا کہنا تھا کہ سرکاری اسپتالوں میں ڈاکٹرز دکھی انسانیت کی خدمت کر کے خوشنودی خدا حاصل کر رہے ہیں۔انہوں نے کہا کہ سرکاری اسپتالوں میں آنے والے مریضوں کو بہترین طبی سہولیات فراہم کرنے کا عزم رکھتے ہیں اور ان کےلئے تمام طبی سہولیات دستیاب ہیں۔وزیر صحت پنجاب نے کہا کہ وزیراعظم عمران خان کےویڑن کے مطابق سرکاری اسپتالوں میں حقیقی تبدیلی لاکردم لیں گے۔

اپنا تبصرہ بھیجیں