ٹریفک کی روانی 32

ٹریفک کی روانی اورشہریوں کی سہولت کے لیے اب صوبہ بھر میں غیر ضروری نا کے نہیں لگیں گے‘آئی جی پنجاب کا حکم

لاہور:ٹریفک کی روانی اورشہریوں کی سہولت کے لیے اب صوبہ بھر میں غیر ضروری نا کے نہیں لگیں گے، آئی جی پنجاب نے غیر ضروری ناکے ختم کرنے کا حکم دیتے ہوئے ناکوں پر موجود جوانوں کو خصوصی ٹریننگ کروانے کی بھی ہدایت جاری کردی۔تفصیلات کے مطابق آئی جی پنجاب امجد جاوید سلیمی نے ناکوں پر ڈیوٹی سرانجام دینے والے اہلکاروں کوشہریوں سے بہتررویہ اپنانے کیلئے پہلے سلام پھرکلام کا سلوگن جاری کیا ہے اوراہلکاروں کی اخلاقی طور پرخصوصی ٹریننگ کا حکم دیا ہے۔ جبکہ صوبہ بھرسے غیرضروری ناکے فوری طورپرختم کرنے کا حکم دیا تاکہ ٹریفک کی روانی بہتربنائی جاسکے، امجد جاوید سلیمی کا مزید کہنا تھا کہ لاہورمیں شروع کی جانے والی موبائل چوری روکنے والی ایپ اب پنجاب بھرمیں متعارف کروائی جائے گی۔

اس خبر پر اپنی رائے کا اظہار کریں

اپنا تبصرہ بھیجیں