پی سی ایل 4 کا آغاز، وزیر اعلیٰ پنجاب کا خیر مقدم

وزیراعلیٰ پنجاب عثمان بزدار نے پاکستان سپر لیگ فور کے آغاز پر مبارکباد دی ہے۔ وزیراعلیٰ نے ایک پیغام میں پی ایس ایل فور ٹورنامنٹ کھیلنے آنیوالے غیر ملکی کھلاڑیوں کا خیر مقدم کرتے ہوئے کہا کہ پی ایس ایل میں آنیوالے غیر ملکی کھلاڑی پاکستان کے مہمان ہیں اورہم مہمانوں کی قدر خوب جانتے ہیں۔ پاکستانی عوام پی ایس ایل کے مقابلے دیکھنے کیلئے پرجوش ہیں اور شائقین کو پی ایس ایل میں کرکٹ کے شاندار میچ دیکھنے کو ملیں گے۔ انہوں نے کہا کہ پاکستانی کھیل اور کھلاڑیوں سے محبت کرنیوالی قوم ہے۔ پی ایس ایل فور کھیلنے والی ہر ٹیم میری فیورٹ ٹیم ہے۔ وزیراعلیٰ نے کہا کہ اس سال 8 میچ پاکستان میں ہونگے اور میری دلی خواہش ہے کہ پی ایس ایل کے سارے میچ یہاں ہوں۔ زندہ دلان لاہور اپنے فیورٹ کھلاڑیوں کو میدان میں کھیلتے دیکھنا چاہتے ہیں۔ وزیراعلیٰ عثمان بزدار نے ابتدائی میچ میں حصہ لینے والی اسلام آباد یونائیٹڈ اور لاہور قلندر کیلئے نیک تمناؤں اور خیر مقدمی کلمات کا اظہار کرتے ہوئے کہا کہ پی ایس ایل فور کا افتتاحی میچ شائقین کرکٹ کیلئے بہت سی خوشیوں کا پیغام لایا۔

اپنا تبصرہ بھیجیں