یوٹیلیٹی اسٹورز 10

یوٹیلیٹی اسٹورز کارپوریشن آف پاکستان مالی بحران میں پھنس گئی

اسلام آباد ( آن لائن) یوٹیلیٹی اسٹورز کارپوریشن آف پاکستان مالی بحران میں پھنس گئی۔ میڈیارپورٹ کے مطابق رمضان میں یوٹیلیٹی اسٹورزپر اشیاء خوردونوش کی قلت کا خدشہ ہے جس کی وجہ یوٹیلیٹی اسٹورز کارپوریشن آف پاکستان کا مالی بحران ہے، کارپوریشن نجی کمپنیوں کی 8 ارب سے زائد کی نادہندہ ہے۔ذرائع کے مطابق 100 سے زائد کمپنیوں نے رمضان سے قبل اشیاء خوردونوش کی ترسیل روک دی جس کے باعث یوٹیلیٹی اسٹورز کارپوریشن نے حکومت سے 2 ارب روپے رمضان پیکج میں سے 75 فیصد رقم پیشگی مانگ لی ہے اور حکومت نے بھی اسٹوروں کو رمضان میں سپلائی بحالی کیلئے فنڈز ادائیگی کی یقین دہانی کرادی۔

اس خبر پر اپنی رائے کا اظہار کریں

اپنا تبصرہ بھیجیں