لاہور(لاہورنامہ) تحریک انصا ف کی مرکزی رہنما صائمہ عمر نے کہاکہ ہے کہ عوام احتیا ط کر یں کوروناکی تیسری لہر تیزی سے پھیل رہی ہے،کورونا کی تیسری لہر نے بیشتر مسلم ممالک کواپنی لپیٹ میں لے رکھا ہے .
جو خطرناک ثابت ہوسکتا ہے، اپنا اور اپنے پیاروں کا خیال، ایس او پیز پر عمل کر کے ہی کوونا کو شکست دی جا سکتی ہے ۔ انہو ں نے کہاکہ ماہرین طب کے مطابق کورونا وائرس کی تیسری لہر ایشیا کو خطرناک حد تک متاثر کرسکتا ہے .
اور بھارت میں بھی کورونا وائرس کی ایس او پیز کا خیال رکھا گیا اور نہ ہی لاک ڈائون کا خاطر میں لایا گیا جس کی وجہ سے آج بھارت میں سینکڑوں افراد کورونا وائرس کی تیسری لہر کے باعث زندگی کی بازی ہار گئے ہیں حالیہ کرونا کی لہر انتہائی خطرناک ہے جو بچوں کو زیادہ متاثر کرسکتا ہے .
عوام سے اپیل کرتی ہوں کہ وہ اپنا اور اپنے پیاروں کا خیال کرتے ہوئے حکومتی اقدامات جو انسداد کرونا کے حوالے سے کئے جارہے ہیں پر سختی سے عمل پیرا ہوکر اس موذی مرض کو شکست دینے کیلئے تعاون کریں۔
