اسلام آباد(لاہورنامہ)پاکستان تحریک انصاف کے رہنما شبلی فراز نے کہا ہے کہ سابق وزیرِ اعظم عمران خان پر حملے کی ایف آئی آر درج نہیں کی جا رہی، ہم متعلقہ تھانے کے سامنے احتجاج کریں گے.
تحریک انصاف کے رہنما شبلی فراز نے دعوی کیا ہے کہ عمران خان پر قاتلانہ حملہ انفرادی عمل نہیں، یہ ایک شخص کا کام نہیں، اس کے پیچھے سازش ہے.
انہوں نے کہا کہ عمران خان چوروں اور لٹیروں سے ملک کی جان چھڑانا چاہتے ہیں، معاملے کی پوری تحقیقات ہونی چاہیے،شبلی فراز کا کہنا تھاکہ عمران خان کو ایک دو روز میں اسپتال سے گھر شفٹ کیا جائے گا۔
