راولپنڈی:سعودی عرب کے وزیر خارجہ امور عادل الجبیر نے جنرل ہیڈکوارٹرز راولپنڈی میں آرمی چیف جنرل قمر جاوید باجوہ سے ملاقات کی۔ آئی ایس پی آر کے مطابق ملاقات میں پاک بھارت تعلقات کی حالیہ صورت حال پر تبادلہ خیال کیا گیا۔ علاقائی سلامتی کی صورتحال اور باہمی دلچسپی کے امور پر بھی بات چیت ہوئی۔ معزز مہمان نے خطے میں امن و استحکام کے لئے پاکستان کے مثبت کردار کو سراہا۔ عادل الجبیر نے پاکستان کو سعودی عرب کی حمایت کا اعادہ بھی کیا۔آرمی چیف جنرل قمر جاوید باجوہ نے کہا کہ سعودی عرب ہمیشہ پاکستان کا سچا دوست ثابت ہوا۔ انہوں نے مشکل حالات میں امن کوششوں کی حمایت پر سعودی عرب کا شکریہ ادا کیا۔
