لاہور (لاہورنامہ) صوبائی وزیر صنعت و تجارت ایس ایم تنویر کی زیر صدارت پنجاب سمال انڈسٹریز کارپوریشن کے بورڈ آف ڈائریکٹرز کا ا جلاس پیسک آفس میں منعقدہ ہوا جس میں پانچ نکاتی ایجنڈے پر غور کیاگیا.
بورڈنے بزنس فسیلیٹیشن سنٹر کو چلانے کیلئے سروس لیول ایگریمنٹ کی منظوری دی -اجلاس میں سمال انڈسٹریل اسٹیٹس کی کالونائزیشن اور ترقیاتی امورکا بھی جائزہ لیاگیا اور پیسک کے بعض انتظامی امور کی بھی منظوری دی گئی.
صوبائی وزیر صنعت وتجارت ایس ایم تنویر نے اجلاس سے خطاب کرتے ہوئے کہاکہ بزنس فسیلیٹیشن سنٹرنے سرمایہ کاری میں حائل ہر رکاوٹ دورکردی ہے اور نیا کارخانہ لگانے کیلئے این او سی کے اجراء کا عمل سہل اور تیز کردیا –
صوبائی وزیر نے کہا کہ انڈسٹریل ا سٹیٹس کی کالونائزیشن حکومت کی پہلی ترجیح ہے – نئے کارخانے لگانے کیلئے صنعتکاروں کو ہر ممکن سہولتیں دے رہے ہیں -ایس ایم تنویر نے کہاکہ نئے کارخانے لگیں گے تو معاشی سرگرمیاں بڑھیں گی اور لوگوں کو روزگار ملے گا.
انہوں نے کہا کہ بزنس فسیلیٹیشن سنٹر کا قیام معاشی سرگرمیاں تیز کرنے کی جانب اہم پیش رفت ہے. سیکرٹری صنعت وتجارت احسان بھٹہ،ایم ڈی پیسک سدرہ یونس، ڈی ایم ڈی اوربورڈ ممبران نے اجلاس میں شرکت کی.
