لاہور ( این این آئی) وزیر اعلیٰ پنجاب کے سیاسی معاون برائے مذہبی امور سید رفاقت علی گیلانی نے کہا ہے کہ مزدورریاست کا اہم ستون ہیںجن کے جان و مال کی حفا ظت حکومت کی اہم ذمہ داری ہے،وزیر اعظم پاکستان وزیر اعلیٰ پنجاب کا ویژن ایک عام آدمی کے معیار زندگی کو بلند کر نا اور تمام سہولیات فراہم کرنا ہے ،حکومت نے صوبہ بھر میں لیبر کالونی کے قےام کے لیئے عملی اقدامات کا آغازکر دےا ہے ۔ ان خےالات کا اظہار انہوں نے مختلف وفود سے ملاقات میں کیا ۔
انہوں نے کہا کہ صوبہ بھر میں معدنیات کی تلاش کا کام جاری ہے جس کے حوصلہ افزا نتائج سا منے آئے ہیں ۔اور جلد ان مقامات پر معدنیات حاصل کرنے کا کام شروع کر دیا جائے گا۔ محکمہ ماحولیات کے ساتھ باہمی مشاورت اورمشترکہ طریقہ کار کے ذر یعے آلودگی کے خاتمہ کے لئے حکمت عملی بنائیں گے تاکہ جن علاقوں میں معدنیات حاسل کرنے کا کام جاری ہے وہاں پر ماحولیاتی آلودگی کا خاتمہ ہو سکے۔ زیادہ سے زیادہ ریونیو حاصل کرنے کے لئے لیز ہولڈر کو بہتر سہولیات فراہم کی جائیں گی۔ انہو ںنے کہا کہ حکومت نے تمام محکموں میں افسران و ملازمین کی ترقی کا عمل ان کی کار کردگی سے مشروط کر دیا ہے ۔ سرکاری فرائض کی ادائیگی میں کسی قسم کی سستی اور غفلت برداشت نہیں کی جائے گی۔ انہوں نے کہا کہ حال ہی میں چنیوٹ میں معدنیات کی تلاش کے لئے پانچ مقامات کا سروے مکمل کر لیا گیا ہے۔ ان پانچ مقامات پر ترکی اور پاکستان کے مایہ ناز انجنئیزبا ہمی مشاورت اور رضا مندی سے لوہا، سونا اور دیگر معدنیات کی تلاش میں پوائنٹس بنائیں گے۔
انہوں نے کہا کہ اللہ تعالیٰ نے پاکستان کو ہر قسم کی نعمت سے مالا مال کیا ہے۔گزشتہ ادوار میں ملکی و غیر ملکی فرموں نے پاکستانی معدنیات کو مال مفت سمجھ کر اپنی تجوریاں بھریں اور اپنی من پسند غیر ملکی فرموں کو اونے پونے ٹھیکے دئیے اور قیمتی معدنیات وہ فرمیں بغیر کسی ٹیکس کے باہر لے گئیں ۔انہوں نے کہا کہ صوبے بھر میں معدنیات کے کھوج کے لئے مختلف اضلاع میں سائیٹس منتخب کر لی گئیں ہیں۔انہوں نے کہا کہ وہ دن دور نہیں جب پاکستان حقیقی معنوں میں اپنی کرنسی اور دیگر معدنیات کی بنا پر دنیا بھر میں اپنا تشخص قائم کرے گا۔ایمپلائیز اور ورکرز کے درمےان ہم آہنگی پیدا کرنے اور تمام صوبو ں میں قوانین کو تکنیکی طریقے سے بہتر بنانےکے لئے کام شروع کر دیا گیا ہے ۔ مائنز میں مزدوروں کو حادثات سے دو چار ہونے سے محفوظ رکھنے کے لئے حکمت عملی پر کام شروع کر دیا گیا ہے۔
