14

گارڈن ٹاﺅن میں درندہ صفت شخص نے 7 سالہ بچی کو مبینہ طور پر زیادتی کا نشانہ بناڈالا ،تشویشناک حالت میں ہسپتال منتقل

لاہور: صوبائی دارلحکومت کے علاقہ گارڈن ٹاﺅن میں ایک درندہ صفت شخص نے 7 سالہ بچی کو مبینہ طور پر زیادتی کا نشانہ بناڈالا جسے تشویشناک حالت میں ہسپتال منتقل کر دیا گیا ، پولیس نے فرار ہونے والے ملزم کو گرفتار کر کے مزید کارروائی شروع کر دی ،وزیراعلی پنجاب عثمان بزدار نے واقعہ کا نوٹس لیتے ہوئے ہدایت کی ہے کہ متاثرہ خاندان کو انصاف کی فراہمی ہر صورت یقینی بنائی جائے۔ بتایا گیا ہے کہ گارڈن ٹاﺅن کے علاقہ میں ایک درندہ صفت شخص نے 7 سالہ بچی کو مبینہ طور پر زیادتی کا نشانہ بنا ڈالا اور لرزہ خیز واردات کے بعد فرار ہونے میں کامیاب ہوگیا تاہم متاثرہ بچی کو تشویشناک حالت میں جناح ہسپتال منتقل کردیاگیا ۔ہسپتال ذرائع کے مطابق بچی کی حالت خون زیادہ بہنے کی وجہ سے خطرے میں ہے ۔وزیراعلیٰ پنجاب عثمان بزدار نے 7 سالہ بچی سے زیادتی کے واقعہ کا نوٹس لیتے ہوئے سی سی پی او لاہور سے رپورٹ طلب کرلی ۔ انہوں نے واقعہ میں ملوث ملزم کی جلد گرفتاری کا حکم دیتے ہوئے ہدایت کی کہ ملزم کو فی الفور گرفتار کرکے قانونی کارروائی کی جائے اور متاثرہ خاندان کو انصاف کی فراہمی ہر صورت یقینی بنائی جائے۔ وزیر اعلیٰ کے نوٹس کے بعد پولیس نے ملزم گل باز ولد سرفراز کو گرفتار کر لیا ہے جو متاثرہ بچی کی والدہ کی خالہ کا بیٹا ہے ۔ گارڈن ٹاﺅن پولیس نے متاثرہ بچی کی والدہ کی مدعیت میں مقدمہ درج کرلیا ہے ۔پولیس کا کہنا ہے کہ بچی کا میڈیکل کروانے کے بعد مزید قانونی کارروائی کی جائے گی۔

اس خبر پر اپنی رائے کا اظہار کریں

اپنا تبصرہ بھیجیں