سی این جی بھی مہنگی

پٹرول کے بعد سی این جی بھی مہنگی ہوگئی

لاہور(صباح نیوز)آل پاکستان سی این جی ایسوسی ایشن پنجاب نے کمپریسڈ نیچرل گیس(سی این جی) کی قیمتوں میں 3 روپے فی لیٹر اضافہ کا اعلان کردیا ہے میڈیا رپورٹ کے مطابق ملک میں ڈالر اور پٹرول کے بعد سی این جی بھی مہنگی ہوگئی ہے، اضافے کے بعد فی لیٹر قیمت 79 روپے 90 پیسے سے بڑھ کر 82 روپے 79 پیسے ہوگئی ۔

آل پاکستان سی این جی ایسوسی ایشن پنجاب کے چیئرمین کیپٹن (ر)شجاع انور نے کہا کہ چند روز کے دوران ڈالر کی قیمت میں 7 روپے اضافہ کے باعث قیمت بڑھانا پڑی، سی این جی کی قیمتیں براہ راست ڈالر کی قیمتوں سے جڑی ہیں اس لیے اس میں اضافہ نا گزیر ہے۔

واضح رہے کہ دو مئی کو ڈالر کی قیمت 141 روپے 48 پیسے تھی جو 17 مئی کو 149 روپے ہوگئی ہے جبکہ اوگرا نے بھی آئندہ مالی سال کے لیے گیس کی قیمت میں 47 فیصد اضافے کی سفارش کردی ہے

اپنا تبصرہ بھیجیں