47

لاہور ‘ اراضی تنازع پر فائرنگ، یوسی چیئرمین سمیت 4 افراد قتل

لاہور (آن لائن) لاہور کے نواحی علاقے فیروز والامیں اراضی کے تنازع پر فائرنگ کے نتیجے میں چیئرمین یونین کونسل سمیت 4 افراد قتل ہو گئے۔پولیس کے مطابق فائرنگ کا واقعہ فیروز والا کے علاقے بلکھے گاوئں کے قریب سیالکوٹ موٹر وے پر پیش آیا جبکہ موٹر سائیکل سوار حملہ آور فائرنگ کر کے فرار ہو گئے۔

پولیس حکام کا بتانا ہے کہ فائرنگ کے نتیجے میں قتل ہونے والوں کی شناخت یو سی چیئرمین محمد افضل، عدیل، اجمل اور محمد جمیل کے ناموں سے ہوئی ہے۔محمد افضل یونین کونسل نمبر 108 گجر پورہ کا چئیرمین تھا۔حکام کے مطابق اراضی کے تنازع پر قتل ہونے والے لاہور کے علاقے گجر پورہ کے رہائشی تھے جبکہ مرنے والا عدیل حملہ آوروں میں شامل تھا جو جوابی فائرنگ میں ہلاک ہوا۔

اس خبر پر اپنی رائے کا اظہار کریں

اپنا تبصرہ بھیجیں