کراچی (لاہورنامہ) وزیر داخلہ شیخ رشید احمد نے کہا ہے کہ مساجد اور مدارس اسلام کے مینار ہیں، اسلام کی تبلیغ میں مدارس کا کردار بہت اہم ہے ،دنیا طالبان حکومت کو وقت اور وسائل مہیا کرے حالات بہتر ہوجائیں گے۔
وزیر داخلہ شیخ رشید احمد نے دورہ کراچی کے دوران دارالعلوم کراچی پہنچے جہاں پر ان کی ملاقات ممتاز عالم دین اورصدروفاق المدارس مفتی تقی عثمانی سے ہو ئی ۔ملاقات میں مدارس اور نظام تعلیم سمیت افغانستان کے معاملات پر بات چیت کی گئی ۔
اس موقع پر وزیر داخلہ شیخ رشید احمد نے کہا مساجد اور مدارس اسلام کے مینار ہیں اسلام کی تبلیغ میں مدارس کا کردار بہت اہم ہے۔ وزیر داخلہ نے کہا حکومت مدارس کی دینی خدمات کو انتہائی قدر کی نگاہ سے دیکھتی ہے،دنیا طالبان حکومت کو وقت اور وسائل مہیا کرے؛ حالات بہتر ہوجائیں گے۔ اس موقع پر مفتی تقی عثمانی نے کہا افغانستان کی موجودہ صورت حال پرحکومت پاکستان کا موقف درست ہے۔
