اسلام آباد (این این آئی)قومی احتساب بیورو (نیب) نے جعلی اکاو¿نٹس کیس کی تفتیش کے سلسلے میں سابق صدر اور پاکستان ن پیپلز پارٹی کے شریک چیئر مین آصف زرداری کو 9 مئی کو طلب کرلیا۔
میڈیا رپورٹ کے مطابق نیب نے جعلی اکاونٹس کیس میں ایک اور ریفرنس تیار کیا ہے جس میں سابق صدر آصف زرداری کو پوچھ گچھ کےلئے 9 مئی بروز جمعرات کو طلب کیا گیا ۔ذرائع نے بتایا کہ آصف زرداری کو ہریش اینڈ کمپنی کیس میں بلایا گیا ہے جس کے لیے انہیں جے ائی ٹی کی جانب سے طلبی کا نوٹس بھجوادیا گیا ہے۔
ذرائع کے مطابق نیب کی جانب الزام عائد کیا گیا کہ ہریش اینڈ کمپنی نے سندھ اسپیشل انیشی ایٹو سے واٹر سپلائی کا ٹھیکا لیا تھا لیکن اس منصوبے پر کوئی کام نہیں ہوا بلکہ کمپنی کے اکاو¿نٹ سے نوڈیرو ہاوس کے اخراجات چلائے جاتے رہے۔نیب حکام کے مطابق ہریش اینڈ کپنی پارک لین کمپنی کی فرنٹ کمپنی تھی اور اس کیس میں قومی خزانے کو 60 ملین روپے کا نقصان ہوا۔
ذرائع نے بتایا کہ سابق سیکریٹری اسپیشل انیشی ایٹو اعجاز احمد خان اور دیگر کے خلاف ریفرنس دائر کردیا گیا ۔
واضح رہے کہ آصف زرداری اور ان کی ہمشیرہ فریال تالپور جعلی اکاو¿نٹس کیس کے سلسے میں کئی بار نیب کے سامنے پیش ہوچکے ہیں جب کہ دونوں نے گرفتاری سے بچنے کے لیے عبوری ضمانتیں بھی حاصل کررکھی ہیں۔
