لاہور( لاہور نامہ) وزیراعلیٰ پنجاب سردار عثمان بزدارسے وزیر اعلی آفس میں فوٹو جرنلسٹ ایسوسی ایشن لاہور کے صدر اقبال چوہدری کی قیادت میں وفد نے ملاقات کی-
اقبال چوہدری نے وزیراعلیٰ کو فوٹو جرنلسٹ ایسوسی ایشن کے مسائل سے آگاہ کیا-وزیراعلیٰ عثمان بزدار نے فوٹو جرنلسٹ ایسوسی ایشن کے مسائل حل کرنے کی یقین دہانی کرائی-وزیر اعلی عثمان بزدار نے کہا کہ فوٹو جرنلسٹ ایسوسی ایشن کی سابق دور میں روکی جانے والی گرانٹ بحال کرنے کیلئے اقدامات کئے جائیں گے-
وزیر اعلی نے سیکرٹری اطلاعات پنجاب کوگرانٹ کی بحالی کے لئے ضروری اقدامات کی ہدایت بھی کی- فوٹو جرنلسٹ ایسوسی ایشن کی ہر ممکن معاونت کریں گے-آپ کے مسائل کے حل کے لئے میں ہر وقت حاضر ہوں –
انہوں نے کہا کہ سابق دور میں ذاتی پسند و نا پسند کی پالیسی نے ملک کا نقصان کیا-سابق حکمرانوں نے ایسے منصوبے شروع کئے جس کا خمیازہ قوم کو بھگتنا پڑا-ماضی کے دور میں سرکاری وسائل کو ذاتی مال سمجھ کر خرچ کیاگیا-ہماری حکومت نے ہر سطح پر بچت اور کفایت شعاری کو فروغ دیا ہے-
سرکاری وسائل کو ایمانداری سے خرچ کررہے ہیں – فوٹو جرنلسٹ ایسوسی ایشن لاہور کے وفد کی جانب سے وزیراعلیٰ پنجاب سردار عثمان بزدار کی قیادت میں پنجاب حکومت کے فلاح عامہ کے کاموں کی تعریف کی گئی-
صدر فوٹو جرنلسٹ ایسوسی ایشن لاہور اقبال چوہدری نے کہا کہ آپ نہایت ایمانداری او رمحنت کے ساتھ عوام کی خدمت کررہے ہیں -آپ کا کام خود بولتا ہے-
وزیراعلیٰ عثمان بزدار سے ملاقات کرنے والے وفد میں فوٹو جرنلسٹ ایسوسی ایشن لاہور کے نائب صدر پرویز الطاف، سیکرٹری صداقت مغل، ممبران عمر شریف اور عمران شیخ شامل تھے-سیکرٹری اطلاعات پنجاب بھی اس موقع پر موجود تھے –
