اسلام آباد (لاہورنامہ) وفاقی وزیر برائے منصوبہ بندی اسد عمر نے کہاہے کہ تمام کاروبار پر اوقات کار کی
پابندی ختم کی جارہی ہے، مارکیٹس اور بازار ہفتے میں ایک دن بند رہیں گے۔
جمعرات کووفاقی وزیر برائے ترقی و منصوبہ بندی اسد عمر کی زیرصدارت اسلام آباد میں
نیشنل کمانڈ اینڈ آپریشن سنٹر (این سی او سی) کا اجلاس ہوا جس میں ملک میں کورونا وبا کی صورتحال پر غور کیا گیا۔
اجلاس کے بعد وفاقی وزیر اسد عمر نے میڈیا کو بریفنگ دیتے ہوئے کہا کہ 14 اگست کی مناسبت سے
ایس او پیز تیار کیے جارہے ہیں، کوروناوباکے حوالے سے کافی بہتری سامنے آ ٓئی ہے،
کرونا کے خلاف جنگ میں پاکستان کی کامیابی کو دنیا مان رہی ہے۔اسد عمر نے کہا کہ ایران میں وبا کی دوسری لہر جاری ہے،ہلاکتیں سامنے آ رہی ہیں،
ایران میں نئی کورونا لہرسے متاثرین کی تعدادپہلے سے کہیں زیادہ ہے۔
انہوں نے کہا کہ 15 ستمبر سے تعلیمی ادارے کھولے جائیں گے لیکن 7 ستمبر کو آخری ریویو کریں گے،
معاشی صورتحال کی بہتری کے لیے اہم فیصلے کیے گئے ہیں،
ایس او پیز کے تحت ریسٹورنٹس اور ہوٹل کھولنے کی اجازت دی جائے گی.
اسد عمر نے کہا کہ سیاحتی مقامات کےریسٹورنٹس،ہوٹلز 8 اگست سے کھول دینگے،
سینما،تھیٹر،پبلک پارکس،میوزیم کوبھی10اگست سے کھول دیاجائیگا۔
وفاقی وزیر نے کہا کہ کبڈی،ریسلنگ سمیت جسمانی ٹکراوالے کھیلوں پر پابندی برقرار رہے گی، جسمانی ٹکراو کےعلاوہ دیگرکھیلوں کےانعقاد کی اجازت دی جارہی ہے، کھیلوں کی اجازت بغیر تماشائیوں کے دی جائے گی۔
انہوں نے کہا کہ ٹرین،ہوائی جہاز کوتمام اسٹیشنزپرجانےکی اجازت دی جارہی ہے،
30ستمبرتک ٹرین،ہوائی جہاز میں سفرکےایس اوپیزبرقرار رہیں گے۔
اسدعمرنے کہا کہ این سی سی نے 15ستمبر سے شادی ہالز کھولنے کا فیصلہ کیا ہے،
بیوٹی پارلرز بھی 10اگست سے کھولنے کی اجازت دی گئی ہے،
مزار اور درگاہیں کھول رہے ہیں ،عرس کیلئے مقامی انتظامیہ کی اجازت درکارہوگی۔
انہوں نے کہا کہ ڈبل سواری کی بھی اجازت دےدی گئی ہے،
