لاہور (لاہورنامہ) وزیر لیبر پنجاب انصرمجید خان نے صنعتی شعبہ سے ایس او پیز پر مکمل عملدرآمد کروانے کا حکم دے دیا ہے۔
سیکرٹری لیبرعامر جان اور ڈی جی لیبر فیصل نثار صنعتوں سے ایس او پیز پر عملد رآمد کی خود نگرانی کریں گے۔
حکومت نے لاک ڈاؤن مکمل طور پر ختم کرنے کا فیصلہ عوام کے حق میں کیا۔
حکومتی پالیسیوں اور بروقت حفاظتی اقدامات کے نتیجہ میں کورونا وائرس کے کیسز کم رپورٹ ہوئے۔
وزیراعظم عمران خان نے مشکل حالات میں اپنی بہترین قیادت کے ساتھ مقابلہ کیا۔
صوبائی وزیر لیبر نے مزید کہاکہ آج پاکستان میں کورونا وائرس کے کیسز پر حیرت انگیز کمی پر پوری دنیا معترف ہے۔پنجاب کی صنعتوں میں کارکنان کو کورونا وائرس سے بچانے کیلئے ایس او پیز پر عملدرآمد کو یقینی بنائیں گے۔
انہوں نے کہاکہصنعتی شعبہ میں کارکنان کے مال و جان کی حفاظت اولین ترجیح ہے۔ ایس او پیز پر عملدرآمد نہ کرنے والی صنعتوں کے خلاف قانون کے مطابق کارروائی عمل میں لائی جائے گی۔
