اسلام آباد( لاہور نامہ) صدر مملکت ڈاکٹر عارف علوی نے کہا ہے کہ زرعی شعبہ ملک میں 42فیصد ملازمت کے مواقع پیدا کررہا ہے،بیرون ملک برآمد کیا جانے والا کینو ذائقے کے اعتبار سے بہترین ہے،تھوڑی سرمایہ کاری سے پھلوں کی پیداوار کو بڑھایا جاسکتا ہے ، کاروبار میں آسانیاں پیدا کر کے ٹیکسٹائل صنعت کو بحال کیا،
کاروباری اداروں کے تعاون سے بر آمدات بہتر ہوئیں۔اتوار کو کینو کی اقسام کی نمائش کی تقریب سے خطاب کرتے ہوئے صدر مملکت ڈاکٹر عارف علوی نے کہا کہ بیرون ملک برآمد کیا جانے والا کینو ذائقے کے اعتبار سے بہترین ہے،سرگودھا چیمبر آف کامرس کینو کی برآمد سے ملکی معیشت میں اہم حصہ ڈال رہا ہے،
زرعی شعبہ ملک میں 42فیصد ملازمت کے مواقع پیدا کررہا ہے،جدید ٹیکنالوجی سے استفادہ کرکے پیداوار میں اضافہ کیا جاسکتا ہے،تھوڑی سرمایہ کاری سے پھلوں کی پیداوار کو بڑھایا جاسکتا ہے ، انہوں نے کہا کہ یونیورسٹیوں میں ایسی تعلیم کی ضرورت ہے جومارکیٹ کی ضروریات کے مطابق ہو،
انہوں نے کہا کہ کاروبار میں آسانیاں پیدا کر کے ٹیکسٹائل صنعت کو بحال کیا، کاروباری اداروں کے تعاون سے بر آمدات بہتر ہوئیں ، انہوں نے کہا کہ پھلوں کے چھلکوں کو بھی ضائع نہیں کیا جانا چاہیئے۔
