لاہور( لاہورنامہ)پاکستان مسلم لیگ(ن) کے صدر شہباز شریف نے سابق ڈی جی ایف آئی اے بشیر میمن کے انکشافات پر تحقیقات کا مطالبہ کرتے ہوئے کہا ہے کہ ہوشربا انکشافات نے میرے دیرینہ موقف کی تصدیق کر دی.
بہت پہلے کہا تھا کہ نیب نیازی گٹھ جوڑ قائم ہے جو مسلم لیگ (ن)کے خلاف بے بنیاد مقدمات بنانے اور اس کے قائدین کو جیل بھجوانے کے لئے سرگرم عمل ہے ۔
انہوں نے کہا کہ نیب نیازی گٹھ جوڑ کی حقیقت اور احتساب کے نام پر جاری ڈھونگ دنیا کے سامنے بے نقاب ہو چکا ہے ،بشیر میمن کے عمران نیازی کے بارے میں انکشافات انتہائی شرمناک، تشویشناک ، افسوسناک اور قابل مذمت ہیں،
یہ فسطائیت اور منتقم مزاجی کی انتہا ہے ،بشیر میمن کے انکشافات کی تحقیقات کرائی جائیں اورملوث کرداروں کے خلاف سخت قانونی کاروائی کی جائے۔انہوں نے کہا کہ دیدہ و دانستہ اپنے ہی ملک کو افراتفری اور انتشار کا شکار کرنا یہ غداری ہے ، ان انکشافات سے یہ بھی تصدیق ہوئی کہ آپ نے بائیس کروڑ کے ملک کو اپنی اناء ، ضد اور انتقامی سوچ و بغض کی بھینٹ چڑھا دیا۔
