لاہور (لاہورنامہ) فارن کامن ویلتھ اینڈ ڈویلپمنٹ آفس اور یواین ایف پی اے کے وفد نے پنجاب سیف سٹیزاتھارٹی کا دورہ کیا۔ وفد کو چیف آپریٹنگ آفیسر محمد کامران خان نے ویمن سیفٹی ایپ، ایمرجنسی ہیلپ میں ریسپانس کے حوالے سے بتایا اورپنجاب سیف سٹیز اتھارٹی کے مختلف شعبہ جات کا دورہ بھی کروایا۔
تفصیلات کے مطابق فارن کامن ویلتھ اینڈ ڈویلپمنٹ آفس اور یواین ایف پی اے کے وفد کوویمن سیفٹی ایپلیکیشن کی ورکنگ سمیت ایمرجنسی میں چیٹ کرنے اور کالز موصول کرنے کے طریقہ کاربارے بریفنگ دی گئی۔ اس موقع پروفد کوایپ میں موجود الرٹ بٹن،چیٹ سسٹم،لوکیشن ریوز اور آگاہی دستاویزات جیسے فیچرز بارے بھی بریفنگ دی گئی۔
چیف آپریٹنگ آفیسر پنجاب سیف سٹیزا تھارٹی محمدکامران خان کا کہناتھا کہ ایپ سے ورکنگ وگھریلو خواتین،سٹوڈنٹس سمیت دیگر شعبہ ہائے زندگی سے وابستہ خواتین مستفید ہو رہی ہیں۔اتھارٹی روزانہ کی بنیاد پر مختلف نوعیت کی کالز موصول کررہی ہے جن کو ہر ممکن پولیس کی مدد فراہم کی جارہی ہے۔
خواتین کے تحفظ کے لیے بنائی گئی ایپ کو انسٹال کرنے کی تعداد میں تیزی سے اضافہ ہورہا ہے۔اس موقع پر وفدکے شرکاء کا خیالات کا اظہار کرتے ہوئے کہناتھاکہ اتھارٹی کا خواتین کے تحفظ کیلئے ایپ بنانا اچھا اقدام ہے۔ ایپ کی آگاہی گاوں،دیہات اور دور دراز علاقوں تک پہنچا نے میں ہر ممکن مدد فراہم کرینگے۔
ترجمان پنجاب سیف سٹیز اتھارٹی کا کہنا تھا کہ خواتین اپنے تحفظ کو یقینی بنانے کے لیے پنجاب پولیس ویمن سیفٹی ایپ انسٹال کریں۔بعدا زاں وفد کو پنجاب سیف سٹیز اتھارٹی کی جانب سے یادگاری شیلڈ بھی پیش کی۔
