لاہور(لاہورنامہ) پارکس اینڈ ہارٹی کلچر اتھارٹی لاہور نے زندہ دلان لاہور کیلئے خوشخبری سنا دی ہے۔ پی ایچ اے لاہور کا جیلانی پارک میں ونٹر فیملی فیسٹول کرنے کا فیصلہ،جیلانی پارک میں فیسٹول کی تیاریاں شروع کردی گئیں ہیں۔
فیسٹول میں پنجابی ثقافت کے علاوہ دیہاتی کلچر، خوبصورت ملبوسات، ہینڈی کرافٹس، زیورات اورذائقوں سے بھرے مختلف کھانوں کے اسٹالز لگائے جارہے ہیں۔ پی ایچ اے اس سال فیسٹول میں شہریوں کیلئے دس سے زائد پروگرامات کا انعقاد کررہا ہے۔
فیسٹول میں پھولوں کی نمائش، صوفی نائٹ، داستان گوئی، کبڈی ٹوڑنمنٹ، کتاب میلہ، ماسکو ٹ پریڈ اورفائر ورکس سمیت دیگر پروگرامات کا انعقاد شامل ہوگا۔ فیسٹول کے افتتاح کی حتمی تاریخ کا اعلان آئندہ دنوں میں ڈی جی پی ایچ اے ذیشان جاوید پریس بریفنگ میں کریں گے۔ ونٹر فیملی فیسٹول کے تمام پروگرامات جیلانی پارک ریس کورس میں مختلف دنوں میں منعقد کیے جائیں گے۔
