اسلام آباد (لاہورنامہ) نگران و زیراعظم انوار الحق کاکڑ نے کہا ہے کہ حالیہ دورہ چین کے دوران جن مفاہمتی یادداشتوں اور معاہدوں پر دستخط ہوئے ان پر عمل درآمد کے لیے پاکستان بھرپور اقدامات اٹھائے گا، چین کا بیلٹ اینڈ روڈ انشیٹو پورے خطے کی ترقی اور خوشحالی کا ضامن ہے.
دونوں ملکوں کے درمیان حالیہ معاہدوں کی بدولت چین پاکستان اقتصادی راہداری میں نئے باب کا اضافہ ہو گا۔وزیراعظم آفس میڈیا کے سیل سے جاری اعلامیہ کے مطابق نگران وزیراعظم انوار الحق کاکڑ سے پاکستان میں چین کے سفیر جیانگ زیڈونگ نے ملاقات کی .
جس میں وزیراعظم نے اپنے حالیہ دورہ چین کے دوران پرتپاک استقبال اور شاندار انتظامات پر چینی صدر شی جن پنگ اور چینی قیادت کا شکریہ ادا کیا ۔ نگران و زیراعظم نے کہاکہ حالیہ دورہ چین کے دوران جن مفاہمتی یادداشتوں اور معاہدوں پر دستخط ہوئے ان پر عمل درآمد کے لیے پاکستان بھرپور اقدامات اٹھائے گا ۔
انہوں نے کہاکہ دونوں ملکوں کے درمیان حالیہ معاہدوں کی بدولت چین پاکستان اقتصادی راہداری میں نئے باب کا اضافہ ہو گا۔ انہوں نے کہاکہ چین کا بیلٹ اینڈ روڈ انشئیٹو پورے خطے کی ترقی اور خوشحالی کا ضامن ہے۔ انہوںنے کہاکہ چین اور پاکستان کی دوستی فلک بوس پہاڑوں سے بلند اور گہرے سمندروں سے ذیادہ گہری ہے ۔
وزیر اعظم نے کہاکہ چین پاکستان اقتصادی راہداری سی پیک کے ثمرات سے دونوں ملکوں کے عوام مستفید ہو رہے ہیں۔ چینی سفیر نے وزیراعظم کو پاکستان کے ترقی اور معاشی استحکام میں چین کے بھرپور تعاون کی یقین دہانی کرائی ۔
