بیجنگ (لاہورنامہ) سنکیانگ آزاد تجارتی زون کے تحت کاشغر زون کی افتتاحی تقریب منعقد ہوئی۔کاشغر زون کا رقبہ اٹھائیس اشاریہ چار آٹھ مربہ کلومیٹر ہے ۔
ہفتہ کے روز چینی میڈیا نے بتا یا کہ کاشغر آزاد تجارتی زون میں زرعی پیداوار کی پروسیسنگ، ٹیکسٹائل،الیکٹرانک مصنوعات ، انٹرنیشنل لاجسٹکس ، سرحد پار آن لائن کمرشل اور جدید سروس ٹریڈ سمیت صنعتی و کاروباری اداروں کے لئے جامع سروسز اور سہولیات فراہم کی جائیں گی۔اس کے علاوہ ہمسایہ ممالک کے ساتھ تعلیم ، سائنس و ٹیکنالوجی، طب و صحت اور مالیات سمیت دیگر اہم شعبوں میں باہمی تعاون کو فروغ دیا جائے گا ۔
سنکیانگ آزاد تجارتی زون کا کل رقبہ ایک سو اناسی مربع کلومیٹر ہے جس میں ارومچی، کاشغر اور ہرگوس تین زونز شامل میں۔
