لاہور : وزیر اعلی پنجاب عثمان بزدار نے ہولی کے تہوار پر ہندو برادری کو مبارکباد دیتے ہوئے کہا ہے کہ ہولی کا تہوار بھائی چارے اور خیر سگالی کے جذبات کو فروغ دیتا ہے، خوشیوں کے تہوار مل کر منانے سے یگانگت ، محبت اور باہمی تعلقات کو فروغ ملتا ہے۔
عثمان بزدار نے اپنے پیغام میں کہا کہ ہولی کا تہوار زندگی کی خوشیوں اورجوش و جذبے کی علامت ہے، پاکستان میں بسنے والے مسلمان ، سکھ ، ہندو ،مسیحی ، پارسی سمیت تمام مذاہب کے لوگ اس ملک کے شہری ہیں،پاکستان میں بسنے والی ہندو برادری نے ملک کی ترقی و خوشحالی میں اہم کردار ادا کیا ہے۔
انہوں نے کہا کہ پاکستان میں تمام اقلیتوں کو مکمل تحفظ اور مذہبی آزادی حاصل ہے، ہمیں ایک دوسرے کی خوشیوں میں شریک ہو کر بھائی چارے اور امن کا پیغام عام کرنا ہے، ایک دوسرے کی خوشیوں میں شریک ہونے سے محبت اور رواداری کو فروغ ملتا ہے ۔
