لاہور( این این آئی)احتساب عدالت نے الخیر ہاﺅسنگ سوسائٹی فراڈ کیس میں گرفتار ملزم کے جوڈیشل ریمانڈ میں مزید 7روز کی توسیع کرتے ہوئے 4اپریل کو دوبارہ پیش کرنے کا حکم دیدیا ۔
احتساب کے جج جواد الحسن نے بطور ڈیوٹی جج کیس کی سماعت کی ۔نیب کے تفتیشی افسر کی جانب سے ملزم حماد ارشد سے متعلق رپورٹ پیش کی گئی ۔نیب کے مطابق ملزم نے الخیر ہاﺅسنگ سوسائٹی حافظ آباد کے نام پر لوگوں سے فراڈ کیا۔متعدد شکایات موصول ہونے پر ملزم کے خلاف کارروائی عمل میں لائی گئی ۔ عدالت نے ملزم کے جوڈیشل ریمانڈ میں مزید 7روز کی توسیع کر دی ۔
