اسلام آباد (این این آئی)وفاقی وزیر ریلوے شیخ رشید احمد نے کہا ہے کہ رمضان المبارک کے دوران شہریوں کو 19 اشیاءسستے داموں فراہم کی جائیں گی ، پناہ گاہوں میں سحری اور افطاری مفت دی جائے گی۔
ایک بیان میں شیخ رشید احمد نے کہا کہ وزیراعظم کی ہدایت پر 2 ارب روپے کا رمضان پیکیج دیا گیا ہے، رمضان پیکیج کو وزرا ءکی 5 رکنی کمیٹی سپروائز کرے گی۔انہوں نے کہا کہ رمضان پیکیج میں 19 اشیاءشامل ہوں گی، حکومت کی طرف سے قائم پناہ گاہوں میں بھی سحری و افطاری کا بندوبست ہوگا جہاں شہریوں کو مفت سحری افطاری دی جائےگی۔
