لاہور (لاہورنامہ) ایگزیکٹوڈائریکٹر لاہو ر آرٹس کونسل الحمراء ذوالفقار علی زلفی نے کہا ہے کہ ہماری موسیقی پنجاب کے کھلے میدانوں،لہلہاتے کھیتوں،سرسبز چراگاہوںاور شاداب وادیوں کی تروتازگی احساس سے مالامال ہے.
الحمراء ٗپنجاب کی موسیقی میں موجود زندہ دلی کی بہار کو عام کر رہا ہے،الحمراء لائیو میں اکیڈمی آف پرفارمنگ آرٹس کے طلبہ و طالبات کو عملی میدان میں اترنے کی تربیت فراہم کی جا رہی ہے۔
ان خیالات کا اظہار انھوں نے لاہور آرٹس کونسل میں ٹیلنٹ ہنٹ شو الحمراء لائیو کا دو بارہ آغاز کے حوالے سے اپنے تاثرات میں کیا ۔الحمراء لائیو میں نوجوان ابھرتے ہوئے آرٹسٹوں کی متاثر کن پرفارمنس دیکھنے والوں کے لئے اپنی موسیقی سے لطف اندوز ہونے کا باعث تھی۔
الحمراء لائیو میں کلاسیکل،فوک،غزل،گیت ،انسٹومینٹل پرفارمنس پر آرٹسٹوں نے اپنی صلاحیتوں کے جوہر دیکھائے۔الحمراء لائیو میںجہاں اپنے لیجنڈ کو خراج عقیدت پیش کیا جاتا ہے وہاں یہ ان لیجنڈ کے فن کو زندہ رکھنے کا بھی ذریعہ ہے۔
ترجمان الحمراء کے مطابق لاہور آرٹس کونسل ہر بدھ کو الحمراء لائیو کا انعقاد کیا کرئے گا۔ واضح رہے الحمراء لائیو نئے آرٹسٹوں کی خود اعتمادی کا باعث ہے،اس پلیٹ فارم سے آرٹسٹ اپنی صلاحیتوں کو نکھار رہے ہیں۔
